आपण तिच्यासाठी काय केले...

इकडे हल्ले,तिकडे हल्ले
दहशतवाद्यांनी उडवले किल्ले
त्यातही सारे भारतीयच मेले
भारत माता की जय म्हणतो
मग आपण तिच्यासाठी काय केले

बलात्कार,स्त्रिभृणहत्त्या
प्लेगच्या साथीसारखे पसरवले
हेही सारे पसरवणारे भारत मातेचेच चेले
भारत माता की जय म्हणतो
मग आपण तिच्यासाठी काय केले

व्यसनांनाही नाही सीमा
अठराव्या वर्षीच लागतो विमा
व्यसनांत कित्येक अडकले,कित्येक मेले
भारत माता की जय म्हणतो
मग आपण तिच्यासाठी काय केले

जिथे तिथे भ्रष्टाचार करून
स्विस बॅंकेचेही अकाऊंट भरले
तरीही आपण भ्रष्ट नेत्यांनाच मतदान केले
भारत माता की जय म्हणतो
मग आपण तिच्यासाठी काय केले...

© दिपक रा. पाटील