युवारंग हा ,प्रारंभ हा
कलेचा, शुभारंभ हा || धृ ||
एक रंग एक संघ एक भावना
होऊ दंग संग संग हिच प्रेरणा
अंतरी या जागवू नवी चेतना
मिळू दे कलेतुनी नवी संवेदना ||
१ ||
देऊ हर्ष आनंद माय रसिकजनांना
जोडुया कलेतुनी सृजनमने मनांना
तृप्त होऊ गीत गाऊ चला पुन्हा पुन्हा
मिळू दे नवा सुर मिळो नवी वेदना ||
२ ||
संस्कृती आपुली होऊ तिचे ऋणी
ताल नृत्य वाद्य काव्य शब्दांतुनी
एक होऊनी ध्वनी मुखी एक गर्जना
शब्दांना सुर मिळो हीच कामना ||
३ ||
मराठी ही आपुली तिच माय बाप
फेडू तिचे पांग तिचे ऋण अमाप
सज्जनांस देऊ कीर्ती,देऊ चालना
जिंकण्यास बळ मिळो क्षणाक्षणा ||
४ || © दिपक पाटील.
No comments:
Post a Comment